ნალის შეჭამადი
მოსასმენად დააჭირე „მოსმენას“.
ზუსტი დროითი ნიშნულები მოწოდებული არ არის. სურათები ეპიზოდის ღილაკებით თავად შეცვალე; არჩევა აუდიოს არ ცვლის.
წაიკითხე ეს ეპიზოდი ↓უხალისო მასპინძელს მამამთილი „ნალის შეჭამადის“ მომზადებას სთავაზობს. ქვაბთან ნელ-ნელა ირკვევა, რომ სახლში სანოვაგეც ყოფილა და საუბრის მიზეზიც — ოჯახის ამბის გაგება.
ჩანაწერის წყარო: dadu.ge. უფასო მოსმენა არ გულისხმობს ჩანაწერის გავრცელების ნებართვას. გამოყენების შესახებ
თუ საუბარი მოგინდებათ, აირჩიეთ ერთი კითხვა. აქ „სწორი პასუხი“ და ქულები არ არსებობს.
ან დახურეთ ეკრანი: დახატეთ ქაღალდზე ის, რაც წარმოიდგინეთ, ან თქვენი სიტყვებით მოყევით. არაფრის გაგზავნა ან ჩაწერა არ არის საჭირო.
სრული ტექსტი სურათების თემების მიხედვითაა დაჯგუფებული. ყველა ნაწილი აქვე რჩება; აუდიო გვერდს ავტომატურად არ გადაახვევს.
ნალის შეჭამადი. ერთხელ მოხუცი მამამთილი რძალს ესტუმრა. ქალს მისი მოსვლა არ ესიამოვნა. იფიქრა, კარგად რომ დავუხვდე, აქ სიარულს აღარ დაიშლის; მარტო გამხმარ პურს მივუტანო. სადილობის დრო მოახლოვდა. რძალმა შეწუხებული სახე მიიღო და ბოდიშის მოხდა დაიწყო.
რა ცუდ დროს მობრძანდით, მამამთილო! სახლში თითქმის არაფერი გვაქვს. ქათმები სულ დაგვეხოცა. ღვინო ცოტაღა ჩავწურეთ და ისიც დაგვიმჟავდა. ლობიო გვალვამ გაახმო, სათესლეც ვერ ავიღეთ. რით გაგიმასპინძლდეთ?
მოხუცმა მშვიდად მოუსმინა. ნუ ღონდები, ნალის შეჭამადი მოვამზადოთო, უთხრა. ქალმა გაკვირვებით შეხედა.
ნალის შეჭამადი? ეს პირველად მესმის! ცხენის ნალისგან საჭმელი როგორ უნდა გაკეთდეს?
მამამთილმა უპასუხა: მე მოვამზადებ და შენ მიყურეო. რძალმა ნალი მოიტანა, მოხუცმა ცეცხლი დაანთო, ქვაბი მოითხოვა და ნალი შიგ ჩადო. მერე ცოტა ერბო და ხახვი სთხოვა. ქალმა ერბოს ქილა და ხახვის კალათა მაშინვე გამოარბენინა. მოხუცმა ქვაბში ერბო ჩადო, ხახვი ჩაჭრა და ცეცხლზე შემოდგა. სახლში მადისაღმძვრელი სუნი დატრიალდა.
ხახვი რომ მოიშუშა, მოხუცმა წყალი დაასხა. მერე რძალს ისევ მიუბრუნდა.
ჩემო რძალო, ცოტა მწვანილიც მომიტანე და ხუთიოდე კვერცხი. ისეთ სადილს გაგიკეთებ, ხელმწიფეც კი შეგვნატროდეს!
ქალმა მწვანილი და კვერცხებით სავსე ჯამი მოიტანა. მოხუცმა ყველაფერი შეჭამადს დაამატა, მარილით შეაზავა და გემო გასინჯა. რძალსაც შესთავაზა. ქალმა კოვზი პირთან მიიტანა და თვალები გაუფართოვდა: ნუთუ ნალისგან ასეთი გემრიელი კერძი მზადდებაო?
ახ, ჩემო რძალო, რომ იცოდე, როგორ უხდება ნალის შეჭამადს გვალვიანი წლის ღვინო!
რძალმა მაშინვე წამოიძახა: ოცჩაფიანი ქვევრი თეთრი ღვინით გვაქვს სავსე, ჩემი ქმარი წლევანდელ ღვინოს ძალიან აქებსო. ხელადა აავსო და სუფრაზე დადგა. მოხუცმა ქუდი მოიხადა, თეთრ თმაზე ხელი გადაისვა და ქალს მშვიდად შეხედა.
ახლა ორიოდე სიტყვას გეტყვი. მე აქ იმიტომ არ მოვსულვარ, რომ მშიოდა ან მწყუროდა. ჩემი შვილის ცხოვრება მაინტერესებდა — რა უჭირს, რა ულხინს, როგორ ხართ-მეთქი. შენმა წუწუნმა გული მატკინა, მაგრამ ბოლომდე ვერ დავიჯერე. ამიტომ მოვიგონე ნალის შეჭამადი. ნალმა კი არ მოგვცა სადილი — შენი სახლის სანოვაგემ მოგვცა. მე მხოლოდ თქვენი ამბავი გავიგე.
ზღაპარი ქართულადუფასოდ
კომბლების მთლელი ბაზარში ძროხის გასაყიდად მიდის. ვაჭრების ხრიკს საკუთარი მოხერხებით პასუხობს — ამ ამბავში სიმართლესა და ეშმაკობას ხშირად უწევთ შეხვედრა.
ზღაპარი ქართულადუფასოდ
სახლში მარილი გამოილია. კაცი ბაზრის გზას ადგება და სიტყვების დამახსოვრებას ცდილობს, მაგრამ ყოველი შეხვედრა სათქმელს უცვლის.
რომელი ზღაპრის მოსმენა გინდა?
გვითხარი მისი სათაური — წერილის გაგზავნაში უფროსს სთხოვე დახმარება.
ჯერ ზღაპრებში მოვძებნოთ
